25歲開第四次演唱會 正所謂染番個紅頭　紅運當頭 如果用一個比喻嚟形容嗰陣時嘅自己 應該係一個初中學生 對舞台有啲感覺　但又未係好熟悉 覺得自己有好大嘅進步空間　 但係 望番當年嘅自己　覺得好奇妙 想當年沙膽英上身 硬係要挑戰高難度 無啦啦喺台上面玩爆玻璃其實都幾Audi㗎 一味死撐　最緊要型 話晒靠樣搵食 如果啲玻璃插咗入塊面咁點算呢？ 好彩冇事 阿彌陀佛 仲有其他花臣 徒手飛上去dancer個膊頭，玩水同扮大個玩性感 總言之令觀眾目不暇給 好鍾意「kiss kiss」環節 今日睇番仲係好sweet 希望當時入鏡嘅情侶到而家都係恩愛無比 但係如果有啲咩嘅話都當係一個恩愛嘅回憶吖，係咪😜😛 同埋好多謝當年每一個買飛入場嘅你地 俾我信心　令我做得更好 八場　唔係惹少㗎……當年 在此特別鳴謝喺舞蹈上嘅啟蒙老師阿昌 各位A R J嘅兄弟姊妹 我嘅髮型師 @billychoihc 仲有我嘅永遠最愛係天上面嘅 @arris_law #reflectionofjoeyslive